جهاز كريكت ميكر3: سر التصاميم المبهرة
إذا كنتِ من عشاق الحرف اليدوية والتصميم، وتبين تزينين ديكور أو تسوين شيء مميز بيدك؟ جهاز ميكر 3 هذا هو المنقذ حقك! 🤩
إيش هو كريكت ميكر 3؟
هو الاصدار الثاني لأجهزة كريكت ميكر وهو جهاز قص ونقش وحفر, يعني تقدرين تشتغلين على أشياء مرة كيوت زي ستكرات، كروت، تصاميم خشب، مرايا أو تعليقات أكرليك وحتى قماش! تخيلي تكونين قاعدة بالبيت وتسوين لك كفر جوال بنفسك أو كوب عليه عبارة مُلهِمة أو حتى هدية لصديقتك.. فكرة رهيبة، صح؟
الميزة الحلوة في ميكر 3 إنه ذكي وسريع، وممكن تستخدمي معه خامات كثيرة ، يعني سواء عندك ورق، فينيل، جلد، أو حتى حديد خفيف، الجهاز يتعامل معاه بكل سهولة. ما يحتاج تكونين خبيرة، هو يسوي كل شيء تقريباً عنك.
بجد، إذا كنتِ من محبات DIY أو الأشياء اليدوية الحلوة، لازم يكون عندك واحد. بيسهل عليك كل شيء ويطلع لك نتائج احترافية👌🏼✨.
صدقيني، لما تجربينه ما راح تستغنين عنه، وبتلاقين نفسك تستخدمينه في كل شيء من أول كرت تهنئة لأخر قطعة ديكور في غرفتك. 😍
جاهزة تبدعين؟
مميزات جهاز ميكر 3 اللي بتخليك تتحمسين تجربينه!
- شكل أنيق وعصري وحجم مناسب: الجهاز شكله حلو ويناسب أي مكان تحطه فيه. مو كبير مرة، يعني تقدرين تخزنينه بسهولة.
- قص دقيق و سريع: الميكر 3 قصه احترافي! بدل ما تقعدين ساعات تقصين باليد وتتعذبين، هو ينجز لك الشغل في دقائق. تسوين تصميمك، تختارين الخامة، وتتركين الباقي عليه. حتى الزوايا الصغيرة والدوائر الدقيقة يقصها بدقة.
- كريكت ميكر 3 يتعامل مع أكثر من 300 خامة: اي نعم، مو بس ورق وفينيل. الجهاز هذا يقدر يقص على الجلد، القماش، الخشب الخفيف، وينقش لك عالأكريليك بعد 😍.. وغيرها الكثير يعني عندك حرية اختيار من أكبر تشكيلة خامات ممكنة. وهذي امثلة لمشاريع بالخامات المعروفة :
- *الفينيل الدائم: فينيل لاصق(خامة تشبه التجليد) يستخدم مع الأكواب و المرايا والخزف و الجبس والديكورات الجدارية يتميز انه دائم يعني قوة التصاقه قوية ومناسب للاستخدامات الخارجية او على الاسطح اللي تتعرض للبلل مثل الاكواب.
- الفينيل قابل للإزالة : مثل الفينيل الدائم لكن يختلف في انه سهل الازالة وما يترك اثر. ومناسب لاعمال مثل عمل استنسل لنقشات الحناء وعلب الأقلام والتلوين وغيرها
الفينيل الحراري مرة حلو وسهل للاستخدام إذا كنتِ تبغين تطبعين على الملابس، الشنط، أو حتى الجلد! 😍 فكرته إنه يحتاج حرارة عشان يثبت على القماش ويعيش معك فترة طويلة بدون ما يتقشر أو يخرب.
ليش أستخدم الفينيل الحراري؟
- ثابت وقوي: لما تثبتينه بالمكبس الحراري، خلاص يصير كأنه جزء من القطعة وما يروح حتى مع الغسيل.
- ينفع لأي شيء: ملابس، شنط، جلود... أي شيء تحسين إنك تبغين تضيفين عليه لمسة شخصية.
- شكله احترافي: التصاميم تطلع نظيفة وكأنها جاية من محل فاخر.
- ألوان وتأثيرات متنوعة: فيه كل شيء تتخيلينه، من ألوان مطفّية، لامعة، عاكسة، وحتى هولوجرام!
كيف تستخدمينه؟
- قصي الفينيل:
- اختاري تصميمك، سواء كان رسمه، اسم، أو شعار، وقصيه باستخدام جهاز زي "كريكت" أو حتى يدوي لو التصميم بسيط.
- جهزي المكبس الحراري:
- شغلي المكبس، واضبطيه على حرارة (150-160 درجة تقريبًا) ووقت (10-15 ثانية)مع ملاحظة أن مدة الكبس تختلف حسب القماش الي بتكبسين عليه و نوع الفينيل الحراري لأنه انواع فيه حراري جليتر و حراري معدني و حراري يبرق في الظلام وحراري لماع بألوان الطيف وغيره كثير 😎
- ثبّتي التصميم:
- حطي الفينيل على القماش، بحيث الجهة اللاصقة تكون على القماش، واضغطيه بالمكبس. لازم تضغطين بالتساوي عشان يثبت تمام.
- شيلي الطبقة البلاستيكية:
- بعد ما يبرد شوي، شيلي الطبقة البلاستيكية اللي فوق، وبكذا يطلع لك تصميمك مرتب وجاهز!
شوية نصايح:
- اغسلي القطعة بالماء البارد عشان التصميم يعيش أطول.
- إذا ما عندك مكبس حراري، ممكن تستخدمي مكواة، بس المكبس يعطيك نتيجة أفضل.
الفينيل الحراري مرة ممتع وسهل، ويفتح لك المجال تزينين أغراضك أو حتى تسوين مشروعك الخاص! 😘
- الورق اللاصق:ورق مقوى لاصق، مثالي لصنع كروت، ملصقات، للبطاقات والديكورات الورقية.
المميزات: يجمع بين متانة الورق المقوى وسهولة اللصق بدون الحاجة للصمغ.
- يتميز عن الأجهزة السابقة بانه متوافق مع قص المواد الذكية بدون حصيرة يسمونها "Smart Materials" خامات ذكية :و هي مواد تقدري تستخدميها مع جهاز كريكت ميكر 3 بدون مات( يعني ما تحتاج تحطيها على الحصيرة اللاصقة للتثبيت وهي القطعة الي تثبتي عليها الورق وتدخلينها في الجهاز ) الجهاز يتعرف عليها ويقصها بدون أي مشاكل، هذي ميزة مو موجودة بأجهزة كريكت ميكر السابقة! توفر لك وقت وتخلي الأمور أسهل ومنها الفينيل و الورق وغيرها.
- أماكن تخزين جانبية وسفلية: الجهاز فيه أماكن مخصصة تحطين فيها الأدوات والشفرات، يعني كل شيء يكون مرتب وسهل الوصول له.
- تحديثات مستمرة: الجهاز يحصل على تحديثات دورية لتحسين الأداء وإضافة ميزات جديدة.
المواصفات الرئيسية:
- مساحة القص: لما نتكلم عن مساحة القص للتصاميم على جهاز ميكر 3، فهي تعتمد على نوع الخامة اللي تستخدمينها وطريقة الطباعة. إذا كنتِ تستخدمين خامات ذكية (Smart Materials) ما تحتاج الحصيرة فالجهاز يعطيك مساحة قص أكبر. أما إذا كنتِ تستخدمين المات العادية، فالمساحة على حسب حجم الحصيرة الحصيرة.
بدون الحصيرة (Smart Materials): تقدرين تقصين تصاميم حتى طولها يوصل لـ 12 قدم (3.6 متر) وعرضها حوالي 13 إنش (33 سم). هذي مثالية إذا كنتِ تسوين لافتات كبيرة أو مشاريع ديكور.
مع الحصيرة : لما تستخدمين الحصيرة العادية، مساحة القص بتكون تقريبًا 12 إنش (30.5 سم) عرض مناسب مع قص التصاميم المطبوعة بحجم ورق A4 وأصغر ، و24 إنش (60.9 سم) طول كحد أقصى نقدر نقص عليه تصاميم مطبوعة بمقاس A3 و أصغر. وهذي مساحة كويسة للأعمال الصغيرة والمتوسطة مثل الكروت أو التوزيعات
الطول الأقصى للقص: مع استخدام المواد الذكية (Smart Materials)الي شرحناها فوق، يقدر يقص بطول يصل إلى 3.6 متر (12 قدم) بدون الحاجة إلى حصيرة هذا يعني يعني لو كنتِ تشتغلين على مشروع كبير مثل لوحة حائط أو لافتة، ديكورات جدارية وحتى ستاندات المناسبات والمرايا الكبيرة ، ما تحتاجين تقصين على دفعات. مرة مريحة وبتطلع لك الشغل مرتب بدون فواصل بكل سهولة .
- تقنية Bluetooth: يدعم الاتصال اللاسلكي مع الهواتف وأجهزة الكمبيوتر، واللي يوفر حرية أكبر في التصميم وممكن توصلي الجهاز بالكمبيوتر بسلك USB إذا تحبين, أجهزة كريكت تقدم لك مميزات كثيرة وسهولة عمل على الأجهزة المحمولة يعني ما تحتاجي تتقيدي في العمل على لابتوب وممكن تعملي من جوالك او ايبادك.
- تطبيق عملي وسهولة العمل على منصات مختلفة: تدرين إنه تقدرين تتحكمين بالجهاز بكل سهولة عن طريق تطبيق؟ يعني تقدرين تصممين من جوالك أو آيبادك، أو حتى تاخذين أفكار جاهزة من المكتبة اللي فيه. وتبدين مشروعك بكل سهولة، يعمل مع برنامج سهل وهو تطبيق Design Space® هو مجاني تقدرين تحملين تصاميمك الخاصة، أو إذا تبين، تقدرين تشتركين برسوم شهرية بسيطة وتستمتعين باستخدام غير محدود لأكثر من 150,000 صورة وخطوط ومشاريع مصممة بشكل احترافي. يعني كل الإلهام اللي تحتاجينه بيكون في مكان واحد! ويخليك تصممين وتنفذين مشاريعك ويوفر أدوات تصميم متقدمة تسهل عليك عمل تصاميم مميزة بكل سهولة 👌🏼✨
- هل لازم يكون عندي كمبيوتر عشان أستخدم جهاز Cricut Maker 3؟
مو ضروري تقدرين تستخدمي جهاز Cricut Maker 3 بكل سهولة مع جوالك أو التابلت عن طريق تطبيق كريكت. التطبيق مرة سهل تنزلينه وتستخدمينه، ويتزامن مع نسخة الكمبيوتر إذا كان عندك الاثنين. لكن في حال كنتي ترغبي بالعمل على مشاريع الحفر و مشاريع قص الخشبيات, فبتحتاجي إلى كمبيوتر/لابتوب.
وبرضو، الجهاز فيه حامل للتابلت، ، وفيه كمان منفذ USB على الجنب تقدرين تشبكين فيه التابلت عشان ما يفصل شحن عليك وأنتِ تشتغلين على مشروعك.
وحتى يوضح لك الاختلاف بشكل أكبر بين إصدار ات أجهزة الكريكت شوفي الجدول التالي :
باختصار، ميكر 3 هو الجهاز اللي يفتح لك أبواب الإبداع ويسهّل عليك كل شيء. أي مشروع في بالك؟ قصي، نحتّي، أو زيني بكل سهولة. خلااااص.. لا تنتظرين، يلا ابدأي مشوارك مع الميكر 3 وخلينا نشوف إبداعاتك! 😍✂️